غازی ممتاز قادری

ShahidNewS:
پاکستان کے صوبۂ پنجاب کے سابق گورنر سلمان تاثیر کو قتل کرنے والے سابق پولیس اہلکار ممتاز قادری کی سزائے موت پر راولپنڈی کی اڈیالہ جیل میں عمل درآمد کر دیا گیا ہے۔ جیل حکام کا کہنا ہے کہ انھیں اتوار اور پیر کی درمیانی رات پھانسی دی گئی۔’جج بھی سزا سنا سکتا ہے مگر مجرم کو ہاتھ نہیں لگا سکتا‘سلمان تاثیر کے قاتل ممتاز قادری کی نظرثانی کی اپیل بھی مستردممتاز قادری کا نفسیاتی خاکہپھانسی کے وقت اڈیالہ جیل جانے والے راستے کو سیل کر دیا گیا تھا اور ان کی لاش قانونی کارروائی پوری کرنے کے بعد اہلِ خانہ کے حوالے کر دی گئی ہے۔ ممتاز قادری کی سزائے موت پر عمل درآمد کے بعد ملک بھر میں سکیورٹی سخت کر دی گئی ہے جبکہ ملک کے مختلف علاقوں سے احتجاج کی اطلاعات بھی موصول ہو رہی ہیں۔راولپنڈی میں مظاہرین نے ایئرپورٹ چوک کے قریب ٹائر جلا کر ٹریفک معطل کر دی ہے۔لاہور میں دفعہ 144 نافذ کر دی گئی ہے جبکہ احتجاج کے باعث میٹرو بس سروس بھی معطل کر دی گئی ہے۔ممتاز قادری کی پھانسی کے بعد ایسے متعدد افراد کو حراست میں لے لیا گیا ہے جو مبینہ طور پر ملک میں ’ممتاز قادری بچاؤ مہم‘ چلا رہے تھے۔ ممتاز قادری کو پھانسی دینے کے بعد متعدد افراد کو حراست میں لے لیا گیا ہے جن کے بارے میں بتایا جاتا ہے کہ اُنھوں نے ملک بھر میں ’ممتاز قادری بچاو‘ مہم شروع کر رکھی ہے سلمان تاثیر کے قاتل کو پھانسی دیے جانے کا معاملہ انتہائی خفیہ رکھا گیا اور اس بارے میں پنجاب کے محکمۂ جیل خانہ جات کے چند افسران ہی باخبر تھے۔پھانسی دینے والے شخص کو خصوصی گاڑی کے ذریعے اتوار کی شب لاہور سے راولپنڈی کی اڈیالہ جیل پہنچایا گیا جبکہ عموماً پھانسی دینے والے جلاد کو دو دن پہلے آگاہ کیا جاتا ہے کہ اسے کس جیل میں قیدیوں کو تختۂ دار پر لٹکانا ہے۔پنجاب پولیس کی ایلیٹ فورس کے سابق اہلکار مجرم ممتاز قادری گورنر پنجاب سلمان تاثیر کی سکیورٹی پر تعینات تھے اور انھوں نے چار جنوری 2011 کو اسلام آباد کے علاقے ایف سکس میں سلمان تاثیر کو سرکاری اسلحے سے فائرنگ کر کے ہلاک کر دیا تھا۔ممتاز قادری کو راولپنڈی کی انسداد دہشت گردی کی عدالت نے جرم ثابت ہونے پر سنہ 2011 میں دو مرتبہ موت کی سزا سنائی تھی۔سزا کے خلاف اپیل پر اسلام آباد ہائی کورٹ نے فروری 2015 میں اس مقدمے سے دہشت گردی کی دفعات تو خارج کر دی تھیں تاہم سزائے موت برقرار رکھنے کا حکم دیا تھا۔اسی فیصلے کو دسمبر 2015 میں سپریم کورٹ نے برقرار رکھا تھا اور پھر صدر مملکت نے بھی ممتاز قادری کی رحم کی اپیل بھی مسترد کرد ی تھی۔